“TELECOM TV” OTT-xizmatlarini taqdim etish toʻgʻrisida kelishuv

Ushbu Kelishuv “TELECOM TV”OTT-xizmatini ko‘rsatish to‘g‘risidagi (keyingi o‘rinlarda “Kelishuv” deb yuritiladi) ommaviy oferta – “O‘zbektelekom” AK abonentlariga unda ko‘rsatilgan shartlarda mazkur Kelishuvni tuzish uchun yo‘naltirilgan taklifdir. Yuqoridagi oferta jismoniy yoki yuridik shaxs tomonidan faqat ushbu Kelishuvga to‘liq qo‘shilgan holda qabul qilinishi mumkin.

Ushbu Kelishuv “TELECOM TV” xizmatidan foydalanish shartlarini tartibga soladi va ushbu Kelishuv taraflarining asosiy huquq va majburiyatlarini belgilaydi.

1. Kelishuvda foydalanilgan atamalar va taʼriflar

Avtorizatsiya – Xizmatga kirish paytida Foydalanuvchini identifikatsiya qilish.

Administrator – “LS Universe” mas’uliyati cheklangan jamiyati (qisqacha nomi “LS Universe” MCHJ), O‘zbekiston Respublikasi qonunchiligiga muvofiq tashkil etilgan va ro‘yxatga olingan (STIR 310000334) yuridik shaxs Platformaning egasi va Xizmat administratori bo‘lib, Xizmatga kirishni taʼminlaydi.

Videokontent – film syujetining qisqacha matnli va/yoki audiovizual tavsifini (jumladan, treylerlar, posterlar, kadrlarni) o‘z ichiga olgan audiovizual asarlar (filmlar), shuningdek, filmlar uchun axborot materiallari to‘plami.

Shaxsiy hisob – Foydalanuvchining barcha moliyaviy va kredit operatsiyalari aks ettirilgan Hamkor tarmogʻidan ulangan Internet xizmatlari yoki mobil aloqaning shaxsiy hisobi. 

Telekanallar toʻplami – Teledasturlar (teleko‘rsatuvlar) va (yoki) boshqa audiovizual, tovushli xabarlar va tariflash maqsadida guruhlangan materiallar majmui.

Hamkor – “O‘zbektelekom” aksiyadorlik kompaniyasi, O‘zbekiston Respublikasi qonunchiligiga muvofiq tashkil etilgan va ro‘yxatga olingan (STIR 203366731) yuridik shaxs bo‘lib, “Uztelecom” savdo belgisi ostida abonentlarga aloqa xizmatlarini ko‘rsatadi.

Hamkorlik xizmati – Administrator tomonidan Administrator hamkori bilan birgalikda Administrator hamkori abonentlariga ushbu Kelishuvda belgilangan xususiyatlar bilan Xizmatdan foydalanish imkoniyatini taqdim etish xizmati.

Platforma – Foydalanuvchilarga xizmat ko‘rsatishni taʼminlaydigan Administratorning apparat-dasturiy taʼminoti va texnologik yechimlari to‘plami.

Obuna – Foydalanuvchining tegishli Telekanallar toʻplami va/yoki Videokontentga kirish uchun uning istagini ishonchli tarzda aniqlash imkonini beradigan, maʼlum tarif bo‘yicha cheklangan vaqt davomida Telekanallar to‘plami va/yoki Xizmat doirasidagi Videokontentga kirish imkoniyatini taqdim etish.

Foydalanuvchi – ushbu Kelishuvda koʻrsatilgan Hamkorning abonenti. Xizmat doirasidagi har bir Foydalanuvchi uchun qayd yozuvi yaratilishi kerak.

Foydalanuvchining qurilmasi – Foydalanuvchiga tegishli bo‘lgan yoki boshqa qonuniy tarzda egalik qiladigan, ushbu Kelishuvda ko‘rsatilgan texnik talablarga javob beradigan, Foydalanuvchiga Xizmatdan foydalanish imkoniyatini beradigan isteʼmolchining multimedia qurilmasi.

Huquq egasi – intellektual faoliyat natijasiga yoki Xizmatga joylashtirilgan individuallashtirish vositasining mutlaq huquqiqa ega bo‘lgan fuqaro yoki yuridik shaxs.

Ilova – Platforma bilan o‘zaro aloqada bo‘lgan, Foydalanuvchi qurilmalariga o‘rnatiladigan va Xizmatdan foydalanish imkoniyatini tashkil qilish uchun mo‘ljallangan dasturiy taʼminot.

Ruxsat etilgan hudud – Foydalanuvchi Xizmatdan foydalanish huquqiga ega bo‘lgan hudud. Ushbu Kelishuv doirasida Ruxsat etilgan hudud deganda O‘zbekiston Respublikasi hududi tushunilishi kerak.

Ruxsat etilgan muddat – Foydalanuvchining Xizmat doirasidagi Telekanallar toʻplami va/yoki Videokontentdan foydalanish huquqiga ega bo‘lgan vaqt davri. Ushbu Kelishuv maqsadlari uchun Ruxsat etilgan muddat ulangan Obuna muddatiga teng vaqtni anglatadi.

Ro‘yxatdan o‘tish – Foydalanuvchining qayd yozuvini yaratishga va xizmatdan kelgusida foydalanishda uni Avtorizatsiya qilish uchun zarur bo‘lgan maʼlumotlarni taqdim etish jarayoni.

Sayt – Internet tarmog‘idagi telecomtv.uz manzilida joylashgan, ushbu Kelishuvni, Xizmat haqidagi maʼlumotlarni o‘z ichiga olgan va u orqali Xizmatdan foydalanish imkoniyati taqdim etiladigan sayt.

Xizmat – Foydalanuvchiga ushbu Kelishuv shartlariga muvofiq ilova va/yoki veb-sayt orqali Telekanallar toʻplami va/yoki Videokontentni ko‘rish imkoniyatini taqdim etish xizmati.

Tarif – Foydalanuvchi uchun xizmat doirasidagi Telekanallar toʻplamiga va/yoki Videokontentga kirish narxi.

Qayd yozuvi – Xizmatga kirishni taʼminlashda Foydalanuvchining avtorizatsiyasi uchun zarur bo‘lgan maʼlumotlarni o‘z ichiga olgan yozuv. Qayd yozuvi Foydalanuvchi tomonidan Xizmatga kirish uchun foydalanadigan ism (login) va parolni (yoki boshqa shunga o‘xshash autentifikatsiya vositalarini) o‘z ichiga oladi.

Simli Internet xizmatlari – xDSL va FTTx texnologiyalari bo‘yicha Hamkor tomonidan taqdim etiladigan Internetga kirish xizmatlari. 

Mobil aloqa xizmatlari – Hamkor tomonidan taqdim etiladigan mobil aloqa xizmatlari.

2. Kelishuv predmeti, umumiy shartlari

2.1. Administrator Foydalanuvchilarga ushbu Kelishuv qoidalariga rioya qilgan holda Xizmatdan foydalanish imkoniyatini beradi.

2.2. Xizmat doirasida Foydalanuvchiga ruxsat etilgan muddat davomida va ruxsat etilgan hududlarda shaxsiy notijorat maqsadlarda o‘z xohishiga ko‘ra interaktiv rejimda individual ravishda ko‘rish imkoniyati bilan Telekanallar toʻplami va/yoki Videokontentga (agar Xizmatda mavjud bo‘lsa) kirish huquqi beriladi.

2.3. Foydalanuvchi mustaqil ravishda ushbu Kelishuv shartlari bilan tanishish va ularga kiritilgan o‘zgartirishlarni kuzatib borish majburiyatini oʻz zimmasiga oladi. Ushbu Kelishuvga har qanday o‘zgartirish va/yoki qo‘shimchalar kiritilgandan so‘ng, Foydalanuvchining Xizmatdan foydalanishni davom ettirishi uning bunday o‘zgartirish va/yoki qo‘shimchalarga roziligini bildiradi. Foydalanuvchining ushbu Kelishuvning amaldagi shartlarini bilmasligi Foydalanuvchini ushbu Kelishuvda nazarda tutilgan majburiyatlardan, shuningdek, ularni bajarmaganlik va/yoki lozim darajada bajarmaganlik uchun javobgarlikdan ozod etmaydi.

2.4. Ushbu Kelishuvni tuzishda O‘zbekiston Respublikasi Fuqarolik Kodeksi moddalarining qoidalari qo‘llaniladi, ularga muvofiq Foydalanuvchining ushbu Kelishuv shartlariga roziligini tasdiqlovchi bandni tanlashi (“belgi” qo‘yishi) va/yoki Foydalanuvchi Xizmatga birinchi marta kirganda Ilova interfeysida (interaktiv menyuda) yoki Saytdagi “qabul qilish” tugmasini bosishi, shuningdek, Foydalanuvchi tomonidan Xizmatdan har qanday foydalanilishi ushbu Kelishuvni qabul qilganligini bildiradi va Foydalanuvchi ushbu Kelishuvni to‘liq va so‘zsiz, hech qanday istisno yoki cheklovlarsiz qabul qilgani, uning ushbu Kelishuvda ko‘rsatilgan barcha shartlar va qoidalar bilan tanishganligini va roziligini tasdiqlaydi, shuningdek, o‘ziga yuklangan barcha huquqlar, majburiyatlar va cheklovlarga roziligini anglatadi.

2.5. Kelishuv shartlarini 2.4-bandda ko‘rsatilgan tartibda qabul qilish ushbu Kelishuvning O‘zbekiston Respublikasi Fuqarolik kodeksiga muvofiq yozma shaklda tuzilishini anglatadi.

2.6. Ushbu Kelishuv uning 2.4-bandida nazarda tutilgan tartibda tuzilganidan so‘ng, Foydalanuvchi Kelishuv shartlari bilan tanishmaganligi yoki ularning majburiyligini tan olmaganligi haqida murojaat qilishga haqli emas. 

2.7. Ushbu Kelishuv maqsadlari uchun Toshkent vaqti (O‘zbekiston Respublikasining poytaxti Toshkent shahri joylashgan vaqt mintaqasi)dan foydalaniladi.

2.8. Xizmat Foydalanuvchining qurilmasida (Internetga kirish uchun kerakli va yetarli dasturiy taʼminot o‘rnatilgan qurilmada) Internetga ulanish uchun texnik imkoniyat mavjud bo‘lganda va ushbu qurilma Internet tarmog‘iga ulangan bo‘lganda hamda mazkur Kelishuvning 4-bo‘limida belgilangan texnik talablarga javob berganda, taqdim etiladi.

2.9. Ushbu Kelishuvni tuzib, Foydalanuvchi ro‘yxatdan o‘tish/avtorizatsiya qilish, Xizmat uchun to‘lov operatsiyalarini amalga oshirish, Administrator bilan muloqot qilish, Administrator tomonidan taqdim etilgan maʼlumotlarni O‘zbekiston Respublikasining amaldagi qonunchiligida taqiqlanmagan har qanday usulda, shu jumladan: Ilova interfeysida push-xabarnomalar orqali, Foydalanuvchining telefon raqamiga SMS-xabarlar orqali, Foydalanuvchining elektron pochta manziliga elektron pochta orqali, ijtimoiy tarmoqlardagi xabarlar orqali va/ yoki boshqa yo‘llar bilan reklama materiallarini olish uchun o‘zining telefon raqami, elektron pochta manzilini Administratorga maʼlum qilishga rozilik bildiradi. 

2.10. Foydalanuvchi yuqoridagi ma’lumotlarni Administratordan quyidagi yo‘llar bilan olishdan bosh tortish huquqiga ega: mobil qurilmalar sozlamalarida push-bildirishnomalarni qabul qilish funksiyasini o‘chirish yoki messenjer ilovalari sozlamalarida xabarlarni qabul qilishni bloklash orqali.

3. Ro‘yxatdan o‘tish

Xizmatdan avtorizatsiyalangan maqomda foydalanish uchun Foydalanuvchi Ro‘yxatdan o‘tish jarayonini amalga oshirishi kerak. Foydalanuvchilar foydalanadigan xizmatlar turlariga qarab, ro‘yxatdan o‘tish va avtorizatsiya qilishning quyidagi usullari qoʻllab-quvvatlanishi mumkin:

3.1. Hamkor tarmog‘iga ulangan simli Internet xizmatlaridan foydalanuvchilar uchun:

3.1.1. Birinchi avtorizatsiya uydagi Internet tarmog‘iga ulangan Foydalanuvchi qurilmasida veb-sayt va/yoki Ilova ishga tushirilganda avtomatik ravishda amalga oshiriladi. Foydalanuvchi qurilmasi uydagi Internet tarmog‘iga ulanmagan hollarda avtorizatsiya login va parol yordamida amalga oshiriladi.

3.1.2 Simli Internet xizmati doirasida Foydalanuvchi tomonidan foydalaniladigan bitta login uchun faqat bitta qayd yozuvi yaratilishi mumkin. Foydalanuvchi o‘z xohishiga ko‘ra har qanday Foydalanuvchi qurilmasidan Xizmatga kirish huquqiga ega.

3.2. Hamkor tarmog‘iga ulangan mobil xizmatlar foydalanuvchilari uchun:

3.2.1. Foydalanuvchida SMS-xabarlarni qabul qilish imkonini beruvchi Hamkor tarmog‘ida faollashtirilgan mobil aloqa xizmatlariga ega (SIM-karta o‘rnatilgan) faol mobil telefoni, shuningdek, ushbu Kelishuvning 4-bo‘limida ko‘rsatilgan talablarga javob beradigan Foydalanuvchi qurilmasi bo‘lishi kerak.

3.2.2. Mobil aloqa xizmatlari doirasida Foydalanuvchi tomonidan foydalaniladigan bitta abonent raqami uchun faqat bitta qayd yozuvi yaratiladi. Foydalanuvchi o‘z xohishiga ko‘ra har qanday Foydalanuvchi qurilmasidan Xizmatga kirish huquqiga ega.

3.3. Ro‘yxatdan o‘tishda Foydalanuvchi Qayd yozuvining ro‘yxatdan o‘tkazish shaklida keltirilgan ko‘rsatmalarga amal qilishi kerak.

3.4. Administrator Qayd yozuvining tegishli tarzda to‘ldirilgan ro‘yxatdan o‘tkazish shaklini olgan paytdan boshlab, ro‘yxatdan o‘tish amalga oshirilgan deb hisoblanadi. Administrator Foydalanuvchi tomonidan yuborilgan va tegishli tarzda to‘ldirilgan qayd yozuvini ro‘yxatdan o‘tkazish shaklini olmaganligi uchun javobgar boʻlmaydi.

3.5. Ro‘yxatdan o‘tish natijasida Foydalanuvchi Hamkordan Avtorizatsiya uchun zarur bo‘lgan parol va Xizmatdan foydalanish imkoniyatini o‘z ichiga olgan SMS-xabarni oladi.

3.6. Ro‘yxatdan o‘tgan Foydalanuvchining Xizmatga kirish uchun Ilovaga va/yoki Saytga keyingi kirishi Foydalanuvchi tomonidan Ilovada va/yoki Saytda (foydalanuvchi qurilmasiga qarab) avtorizatsiya orqali amalga oshiriladi.

3.7. Foydalanuvchi Ro‘yxatdan o‘tish jarayonida to‘liq va aniq maʼlumotlarni taqdim etish majburiyatini oʻz zimmasiga oladi. Foydalanuvchi ushbu Kelishuvning amal qilish muddati davomida Qayd yozuvidagi maʼlumotlarni yangilab turish majburiyatini oʻz zimmasiga oladi. Foydalanuvchi to‘liq bo‘lmagan yoki noto‘g‘ri maʼlumotlarni taqdim etish va yuzaga keladigan har qanday salbiy oqibatlar uchun javobgar hisoblanadi.

3.8. Foydalanuvchi o‘z Qayd yozuvidan foydalangan holda amalga oshirilgan barcha harakatlar uchun to‘liq javobgar hisoblanadi, shuningdek, login, parol (Avtorizatsiya uchun Hamkor tomonidan taqdim etilgan), abonent telefon raqami (mobil aloqa xizmatlari doirasida foydalaniladigan), elektron pochta manzilidan xavfsiz va belgilangan maqsadda foydalanilishini taʼminlash uchun javobgardir. Foydalanuvchi uning Qayd yozividan uchinchi shaxslar tomonidan ruxsatsiz foydalanish holatlari haqida Administratorni darhol xabardor qilish majburiyatini oʻz zimmasiga oladi.

3.9. Foydalanuvchi tomonidan Foydalanuvchining qurilmasi va/yoki Qayd yozuvining maʼlumotlari (logini, paroli) uchinchi shaxsga taqdim etilganda, bunday harakatlar uchun to‘liq javobgarlik bevosida Foydalanuvchi zimmasiga yuklanadi. Foydalanuvchining Qayd yozuvi yoki uning qurilmasidan foydalangan holda Administratorning aybisiz Xizmatga ruxsatsiz kirish natijasida Foydalanuvchiga yetkazilgan har qanday zarar uchun (shu jumladan, lekin bu bilan cheklanmagan holda, Foydalanuvchi qurilmasi o‘g‘irlansa), Administrator javobgar boʻlib hisoblanmaydi.

3.10. Agar Foydalanuvchi Qayd yozuvidagi maʼlumotlarni yo‘qotsa, Foydalanuvchi ushbu Kelishuvning 5.12-bandida ko‘rsatilgan telefon raqami bo‘yicha Hamkorning qo‘llab-quvvatlash xizmatiga murojaat qilib, uni qayta tiklashi mumkin (Foydalanuvchi Qayd yozuvi egasi ekanligini tasdiqlash imkoniyati mavjud bo‘lsa).

3.11. Administrator kechiktirishlar, nosozliklar, Foydalanuvchining Qayd yozuvini ro‘yxatdan o‘tkazish shaklini, SMS-xabarlarni noto‘g‘ri yoki o‘z vaqtida etkazib bermaslik va Administratorning javobgarligi doirasidan tashqarida bo‘lgan boshqa texnik muammolar, shuningdek, fors-major holatlari uchun javobgar hisoblanmaydi.

4.Texnik talablar

4.1. Xizmat Foydalanuvchiga texnik imkoniyatlar mavjud bo‘lganda va Foydalanuvchi qurilmasi ushbu Kelishuvda va Saytda ko‘rsatilgan texnik talablarga muvofiq bo‘lganda, taqdim etilishi mumkin.

4.2. Xizmat Foydalanuvchiga faqat Foydalanuvchi qurilmasi orqali taqdim etiladi. Xizmatga kirish uchun Administrator platformasi bilan o‘zaro aloqada bo‘lgan Foydalanuvchi qurilmalari ro‘yxati, shuningdek, ularga qo‘yiladigan talablar Saytning “Qo‘llab-quvvatlanadigan qurilmalari” bo‘limida joylashgan. Zarurat bo‘lganda, Administrator yuqoridagi ro‘yxat va talablarga o‘zgartirish va/yoki qo‘shimchalar kiritish huquqiga ega.

4.3. Administrator tomonidan belgilangan texnik talablarga javob bermaydigan Foydalanuvchi qurilmalaridan foydalanganda Xizmat mavjud bo‘lmasligi yoki cheklangan funksionalga ega bo‘lishi mumkin.

4.4. Telekanallar toʻplami yoki Videokontentni ko‘rish sifati Internet tezligiga bog‘liq. Xizmatdan foydalanish uchun Foydalanuvchining qurilmasi Internet tarmogʻiga ulangan bolishi hamda barqaror va uzluksiz ishlashi kerak, buning uchun maʼlumotlarni uzatish tezligi SD formatdagi fayllarni yuklab olish uchun kamida 1,5 Mbit / s. (haqiqiy sifat uchun, kamida 5 Mbit / s.) va HD formatdagi fayllarni yuklab olish uchun kamida 5 Mbit / s. (haqiqiy sifat uchun, kamida 15 Mbit / s.), shuningdek, fayllarni yuborish uchun kamida 1 Mbit / s. bo‘lishi kerak, Internetga ulanishning reaksiya vaqti esa 300 ms (PING, ms) dan oshmasligi kerak. Foydalanuvchi Internetga kirishni tashkil etish xizmatlaridan faqat Hamkor orqali foydalanish huquqiga ega.. Administrator Foydalanuvchi qurilmasining Platforma bilan Internetga ulanish sifati uchun javobgar boʻlmaydi.

4.5. Xizmatdan foydalanish uchun Foydalanuvchi qurilmasiga Ilova o‘rnatilgan bo‘lishi kerak (Sayt orqali shaxsiy kompyuterlar yordamida kirish hollari bundan mustasno), shuningdek, Telekanallar toʻplami va Videokontentni ko‘rish uchun zarur va yetarli boʻlgan dasturiy taʼminot bo‘lishi kerak. Ilova, ishlab chiqaruvchi, Foydalanuvchi qurilmasi sotuvchisi yoki huquq egasi tomonidan ruxsat berilgan boshqa shaxs tomonidan Foydalanuvchi qurilmasiga oldindan o‘rnatilishi yoki Saytda ko‘rsatilgan maʼlumotlardan foydalangan holda Foydalanuvchi tomonidan mustaqil ravishda o‘rnatilishi mumkin.

4.6. Xizmatdan foydalanish uchun Foydalanuvchi qurilmasiga o‘rnatilgan dasturiy taʼminot Foydalanuvchi tomonidan qonuniy asoslarda (litsenziyalar) qonuniy ravishda sotib olinishi va foydalanilishi kerak va Foydalanuvchi yoki boshqa shaxs tomonidan hech qanday tarzda o‘zgartirilmasligi kerak (dasturiy taʼminotning huquq egasi, yoki uning vakolatli shaxslari bundan mustasno).

4.7. Internet xizmatlarini sotib olish, Foydalanuvchi qurilmalari uchun tegishli dasturiy taʼminotdan foydalanish va o‘rnatish huquqlari bilan bog‘liq barcha harakatlar Foydalanuvchi tomonidan mustaqil ravishda amalga oshiriladi. Administrator Foydalanuvchi yoki uchinchi shaxslarning yuqoridagi harakatlari uchun javobgar bo‘lmaydi.

4.8. Foydalanuvchi Kelishuvning ushbu bo‘limida ko‘rsatilgan texnik talablarga rioya qilinishiga o‘zi javobgar bo‘ladi, shuningdek, Xizmatdan foydalana olmaslik, Foydalanuvchi qurilmasining Internetga ulanmaganligi, Foydalanuvchi qurilmasida xizmatga kirish uchun zarur bo‘lgan har qanday komponentlar, funksiyalar, dasturiy taʼminotning yo‘qligi sababli, shuningdek, Foydalanuvchi qurilmasi yoki uchinchi shaxslarning uskunalari ishlashida har qanday xatolar mavjudligi sababli Telekanallar to‘plami yoki Videokontentni to‘g‘ri ko‘rish bilan bog‘liq barcha xatarlarni o‘z zimmasiga oladi. 

5. Xizmat doirasida xizmatdan foydalanish imkoniyatini taqdim etish shartlari, obuna uchun to‘lov

5.1. Ushbu Kelishuvning 3-bo‘limida ko‘rsatilgan tartibda Ro‘yxatdan o‘tish jarayoni amalga oshirilgandan so‘ng faol Qayd yozuvi bilan Avtorizatsiyadan o‘tgan Foydalanuvchiga Saytdagi va/yoki Ilovadagi tegishli interfeysda Xizmatdan foydalanish imkoniyati taqdim etiladi.

5.2. Xizmat doirasidagi Telekanallar toʻplami va/yoki Videokontentga kirish huquqini qoʻlga kiritish uchun, agar bu Foydalanuvchining tarif rejasida koʻzda tutilmagan boʻlsa, Foydalanuvchi USSD/SMS/Veb-sayt/Ilova orqali tegishli Obunani ulashi kerak. Obuna Administrator tomonidan qayta ishlangan va tasdiqlangan (faollashtirilgan) paytdan boshlab ulangan hisoblanadi.

5.3. Telekanal to‘plamiga va/yoki Videokontentga kirish uchun Administrator tomonidan Obuna foydalanuvchisiga ulanish to‘lovi amalga oshirilgandan so‘ng ulab beriladi va tegishli telekanal to‘plamiga va/yoki Videokontentga obuna bo‘lish faktini aks ettiradi.

5.4. Obuna avtomatik uzaytirish shartlari asosida taqdim etiladi, ya’ni ulangan Obunaning amal qilish muddatiga teng muddatga avtomatik ravishda Foydalanuvchining Shaxsiy hisobidan amaldagi Tarif boʻyicha belgilangan miqdorda avtomatik ravishda pul mablagʻlarini yechib olish orqali avtomatik uzaytirish nazarda tutiladi.

Foydalanuvchining Xizmatga ulanish uchun tegishli buyruqlarni kiritishi va Shaxsiy hisobidan Obuna uchun toʻlovni amalga oshirishi, uning ushbu Obunani avtomatik uzaytirish shartlari boʻyicha ulashga roziligini bildiradi. 
Administrator tomonidan Xizmatga Obuna imtiyozli muddat bilan va/yoki Aksiya doirasida taqdim etilishi mumkin. Foydalanuvchi Xizmatga Obunani imtiyozli muddat va/yoki Aksiya doirasida rasmiylashtirganida, Obunani uzaytirish avtomatik tarzda faollashtirilishi mumkin. Bunday holda Aksiya oʻtkazilishi davri/imtiyozli davr tugaganidan so‘ng, mablag‘lar Foydalanuvchining Shaxsiy hisobidan amaldagi tariflarga va avtomatik uzaytirish shartlariga muvofiq, Foydalanuvchining ishtirokisiz yechib olinadi.

Obunani avtomatik uzaytirishni bekor qilish uchun Foydalanuvchi istalgan vaqtda, lekin amaldagi Obunaning muddati tugashidan kamida 24 (yigirma to‘rt) soat avval Ilovaning va/yoki veb-saytning tegishli interfeysida Obunani avtomatik uzaytirishni o‘chirib qo‘yish bo‘yicha tegishli harakatlarni mustaqil tarzda amalga oshirishi lozim.

5.5. Obunani faollashtirgandan so‘ng, Foydalanuvchi Telekanal toʻplami va/yoki Videokontentga kirish huquqidan faqat Administrator va/yoki Videokontentning huquq egasi tomonidan belgilangan Ruxsat etilgan muddat davomida foydalanish huquqiga ega boʻladi. Har bir Telekanal toʻplami va/yoki Videokontentga nisbatan Ruxsat etilgan muddat, Tarif, tarkibi, kontent va boshqa shartlar haqidagi maʼlumotlar Sayt va/yoki Ilovaning tegishli interfeysida joylashtirish orqali Foydalanuvchi eʼtiboriga yetkaziladi. Yoqilgan obunaga nisbatan Ruxsat etilgan muddatning boshlanishi Administrator tomonidan tegishli Obuna ulanishining aniq vaqti (daqiqalar, soatlar, kun, oy, yil) bilan belgilanadi. Ruxsat etilgan muddat tugagandan so‘ng, Telekanallar toʻplamiga va/yoki Videokontentga kirish to‘xtatiladi. 

5.6. Videokontentdan foydalanish shartlari ushbu Kelishuv shartlariga qo‘shimcha ravishda tariflarga muvofiq tegishli Videokontentning huquq egasi tomonidan belgilanadi. Ushbu Kelishuv doirasida Videokontentning huquq egalari deganda Foydalanuvchilarga Videokontentdan foydalanish (ko‘rish) huquqini berish huquqiga ega bo‘lgan onlayn-kinoteatrlar, audiovizual xizmatlar tushunilishi kerak. 

5.7. Administrator Xizmat doirasida Foydalanuvchiga Administrator va/yoki Videokontentning huquq egasining marketing aksiyalari shartlari bo‘yicha Telekanallar to‘plami va/yoki Videokontentdan foydalanish imkoniyatini taqdim etishga, shu jumladan, lekin bu bilan cheklanmagan holda, promo-muddat davomida maʼlum vaqt uchun to‘lovsiz kirish, qo‘shimcha Telekanallar to‘plamlari va/yoki Videokontentdan foydalanish (bonuslar), chegirmalar taqdim etish, loyallik dasturlaridan foydalanish imkoniyatini taqdim etishga haqli. Marketing aksiyalarining ro‘yxati, shartlari va davomiyligi Veb-saytda va/yoki Ilovaning interfeysida ko‘rsatiladi va istalgan vaqtda Administrator/Hamkor tomonidan bir tomonlama tartibda o‘zgartirilishi/bekor qilinishi mumkin.

5.8. Imkoniyat bo‘lganda, Administrator Foydalanuvchiga Xizmat doirasida turli xil Telekanallar toʻplamlariga alohida va Videokontent bilan birgalikda Sayt va/yoki Ilova interfeysining tegishli bo‘limida ko‘rsatilgan tariflar bo‘yicha kirish imkoniyatini taqdim etishi mumkin. 

5.9. Xizmat doirasida Telekanallar to‘plami va/yoki Videokontentga kirish belgilangan tariflar bo‘yicha taqdim etilishi mumkin. Tarif narxi va Xizmat doirasida Foydalanuvchilar uchun mavjud bo‘lgan telekanallar va/yoki Videokontentlar ro‘yxati Administrator tomonidan istalgan vaqtda o‘z xohishiga ko‘ra, lekin o‘zgartirishlar kuchga kirgan sanadan kamida 10 kalendar kun oldin foydalanuvchilarni bunday o‘zgarishlar to‘g‘risida xabardor qilgan holda o‘zgartirilishi mumkin. 

5.10. Telekanallar to‘plami va videokontentdan foydalanish uchun ushbu Kelishuv bo‘yicha to‘lov milliy valyutada – so‘mda va faqat Shaxsiy hisobdan mablag‘larni yechib olish yo‘li bilan amalga oshiriladi.

5.11. Foydalanuvchi Obunalar uchun to‘lovni amalga oshirayotganda, Foydalanuvchining to‘lovlarini Administratorga o‘tkazishni amalga oshiradigan uchinchi shaxslar tomonidan qo‘shimcha to‘lovlar undirilishi mumkinligini tushunadi va bunga rozilik bildiradi. Komissiya miqdori, shuningdek, har bir to‘lov usuli uchun pul mablag‘larini o‘tkazish shartlari ga to‘lovlar o‘tkazilishini amalga oshiradigan shaxsning to‘lov tizimi interfeysida ko‘rsatiladi. Administrator ushbu Kelishuv bo‘yicha to‘lovlarini Administratorga o‘tkazishni amalga oshiradigan shaxsning harakatlari uchun javobgar boʻlmaydi.

5.12. Tegishli tarif to‘langan kundan boshlab 48 soatdan ortiq muddat davomida Administratorning aybiga ko‘ra pulli obuna bo‘yicha Telekanallar to‘plami va/yoki Videokontentga kirishni ta’minlash imkoni bo‘lmasa, Administrator Foydalanuvchining yozma so‘rovi va iloji bo‘lsa, Ruxsat etilgan kirish muddatini foydalanuvchi telekanal to‘plamiga va/yoki Video kontentiga kirish imkoni bo'lmagan davrga uzaytiradi yoki Foydalanuvchiga u to‘lagan summani qaytaradi. Foydalanuvchi yuqoridagi so‘rovni to‘langan kundan boshlab 30 (o‘ttiz) kalendar kunidan ko‘p bo‘lmagan taqdirda, Hamkorning aloqa markazining 1084, 1099 raqamlari orqali yoki uztelecom.uz saytidagi “Onlayn chat” anketasi orqali yuborishga haqli. 

5.13. Telekanallar to‘plamida ommaviy telekanallari mavjud bo‘lsa, bunday telekanallarga kirish bepul. Shu bilan birga, ommaviy telekanallarini o‘z ichiga olgan teleto‘plamga kirish pullik (agar bevosita Administrator tomonidan boshqacha tartib belgilanmagan bo‘lsa) va bunday majburiy ommaviy telekanallarini ko‘rish xarajatlarini o‘z ichiga olmaydi.

6. Tomonlarning kafolatlari va tasdigʻi

6.1. Administrator va Foydalanuvchi ushbu Kelishuvda nazarda tutilgan huquqlardan faqat O‘zbekiston Respublikasining amaldagi qonunchiligiga muvofiq va ushbu Kelishuvda ko‘rsatilgan maqsadlarda foydalanishlarini kafolatlaydilar.

6.2. Administrator quyidagilarni tasdiqlaydi va kafolatlaydi:

6.2.1. O‘zbekiston Respublikasi qonunchiligiga muvofiq ro‘yxatdan o‘tgan va faoliyat yurituvchi yuridik shaxs ekanligini, shuningdek, ushbu Kelishuvni tuzish va u bo‘yicha o‘z majburiyatlarini bajarish uchun barcha huquq va vakolatlarga ega ekanligini;

6.2.2. Foydalanuvchilarga Xizmatni taqdim etish uchun Platforma, Sayt, Ilovalardan foydalanish boʻyicha qonuniy huquqiga ega ekanligini;

6.2.3. Huquq egalari (yoki ularning litsenziatlari) bilan tuzilgan tegishli shartnomalar asosida Telekanallar to‘plamiga kiritilgan telekanallardan Foydalanuvchiga Xizmat doirasidagi Telekanallar to‘plamidan foydalanish imkoniyatini taqdim etish uchun zarur bo‘lgan hajmda foydalanish huquqiga ega ekanligini;

6.2.4. Videokontentning Huquq egalari (yoki ularning litsenziatlari) bilan tuzilgan tegishli shartnomalar asosida Foydalanuvchilarga Xizmat doirasida Videokontentdan foydalanish imkoniyatini taqdim etish huquqiga ega ekanligini tasdiqlaydi va kafolatlaydi.

6.3. Foydalanuvchi Xizmatdan foydalanganda quyidagi harakatlarni amalga oshirmasligini tasdiqlaydi va kafolatlaydi:

6.3.1. ushbu Kelishuv shartlarini buzgan holda Xizmatdan foydalanish;

6.3.2. Xizmatdan uning normal ishlashiga xalaqit beradigan usullardan foydalanish;

6.3.3. Ro‘yxatdan o‘tish va Avtorizatsiya jarayonidan oʻtmasdan Xizmatga kirish uchun harakat qilish, shu jumladan, telekanallar to‘plami va/yoki Videokontent yoki ushbu Kelishuv bo‘yicha Xizmatdan qonuniy foydalanish uchun taqdim etilgan cheklovlarni, shu jumladan, login va parolni topish, buzish, IP-manzillarni o‘zgartirish, almashtirish yoki Xizmatni himoya qilishning texnik vositalarini chetlab o‘tishga, Xizmatga ruxsatsiz kirishni cheklashga qaratilgan boshqa noqonuniy harakatlarni amalga oshirish;

6.3.4. Xizmatdan har qanday tijorat maqsadlarida foydalanish, shu jumladan, lekin bu bilan cheklanmagan holda: Telekanallar to‘plamiga kiritilgan telekanallarni va/yoki Videokontentni Foydalanuvchining oilasi doirasiga yoki individual shaxslar doirasiga kirmaydigan shaxslarga yoki bepul kirish uchun ochiq joylarda (kafelar, restoranlar, do‘konlar, mehmonxonalar va boshqalarda) ko‘rsatish yoki taqdim etish orqali yuqoridagi joylarning isteʼmolchilik jozibadorligini oshirish maqsadida foydalanish;

6.3.5. Xizmatdan, shu jumladan televideniye kanallari to‘plamidan va/yoki Videokontentdan ommaviy koʻrsatish, ijro etish, ko‘rish, namoyish qilish, ommaviy xabar yetkazish yoki boshqa tarzda ommaviy maqsadda foydalanish;

6.3.6. Telekanallar to‘plamiga kiritilgan telekanallarning teledasturlarini yoki ularning qismlarini, shuningdek, Videokontentni istalgan usulda, shu jumladan Foydalanuvchi qurilmasi ekranidan (displeyidan) ko‘rishda videoyozuv yaratish orqali ko‘paytirish (nusxalash);

6.3.7. har qanday uchinchi shaxslar qurilmalariga (shu jumladan dasturiy taʼminotga) zarar etkazishi mumkin bo‘lgan dasturlardan (viruslar, troyanlar va boshqa zararli dasturlardan) foydalanish;

6.3.8. Xizmatdan, shu jumladan Telekanallar toʻplami va/yoki Videokontentdan ushbu Kelishuvda ruxsat etilganidan boshqa har qanday maqsadda va usullarda foydalanish, shu jumladan, lekin bu bilan cheklanmagan holda: qayta sotish, ijaraga berish, tarqatish, sotish, tijorat muomalasiga qo‘yish, Xizmatni hamma uchun ochiq qilish yoki uchinchi shaxslarga ushbu Kelishuv bo‘yicha olingan huquqlarni boshqacha tarzda topshirish.

6.4. Ushbu Kelishuvga ko‘ra, Xizmat faqat o‘zining asl shaklida taqdim etiladi, bu esa uning mavjud bo‘lgan shaklda ishlashini, shuningdek, Administrator tomonidan Xizmatga nisbatan hech qanday kafolatlar yoki ishontirishlar mavjud emasligini, shu jumladan, lekin bu bilan cheklanmagan holda, Xizmat Foydalanuvchining talablari, maqsadlari yoki umidlariga mos kelishi, Telekanallar to‘plami va/yoki Videokontentga kirish uzluksiz, tez, ishonchli va hech qanday xatosiz amalga oshirilishi, Telekanallar to‘plami va/yoki Videokontentga kiritilgan har qanday telekanalning sifati va mazmuni Foydalanuvchi talablariga javob berishiga kafolatlar yoki ishontirishlar mavjud emasligini anglatadi;

6.5. Administrator va Foydalanuvchi Xizmatdan foydalanish (jumladan, intellektual faoliyatning barcha natijalari va Foydalanuvchiga Xizmat doirasida taqdim etiladigan individuallashtirish vositalari) ommaviy chiqish, efir yoki kabel orqali, shu jumladan qayta uzatish (retranslyatsiya qilish) orqali (O‘zbekiston Respublikasining Mualliflik huquqi va turdosh huquqlar to‘g‘risidagi Qonunida tegishli ravishda belgilangan vositalar orqali) amalga oshirilmasligini tasdiqlaydi va kafolatlaydi.

7. Foydalanuvchining huquq va majburiyatlari

7.1. Foydalanuvchi quyidagi huquqlarga ega:

7.1.1. Xizmatdan ushbu Kelishuv shartlariga muvofiq foydalanish.

7.1.2. O‘z xohishiga ko‘ra, Sayt va/yoki Ilova orqali Foydalanuvchiga Xizmat doirasida ruxsat berilgan Telekanallar to‘plami va/yoki Videokontent ko‘rilishini boshqarish (“to‘xtatib turish” funksiyasidan foydalangan holda ko‘rishni to‘xtatib turish, orqaga o‘tkazish, alohida epizodlarga o‘tish, tilni oʻzgartirish va boshqalar) funksiyasi mavjud bo‘lganda, ushbu funksiyadan foydalanish.

7.1.3. Ushbu Kelishuvning 12-bo‘limida belgilangan tartibda Xizmat ishlashiga oid daʼvolar va/yoki takliflar bilan murojaat qilish.

7.2. Foydalanuvchi quyidagi majburiyatlarni oʻz zimmasiga oladi:

7.2.1. Ushbu Kelishuv shartlariga rioya qilish.

7.2.2. Ushbu Kelishuv shartlariga muvofiq Xizmatdan, shu jumladan, Telekanallar to‘plami va/yoki Videokontentdan faqat shaxsiy notijorat maqsadlarda Foydalanuvchi qurilmasi orqali foydalanish.

7.2.3. Intellektual faoliyat natijalariga yoki Xizmat doirasida foydalaniladigan individuallashtirish vositalariga mutlaq huquqqa ega boʻlgan Administratorning, shuningdek, Mualliflik huquqi egalarining huquqlari va qonuniy manfaatlariga rioya qilish.

7.2.4. Muayyan yosh toifasi uchun moʻljallangan Telekanallar to‘plamiga kiritilgan telekanallarni tomosha qilish uchun koʻzda tutigan yosh cheklovlariga rioya qilish. Telekanallarni tomosha qilish uchun belgilangan yoshga to‘lmagan shaxslar tegishli telekanallarni ko‘rmaslik va/yoki ota-onalar, farzandlikka oluvchilar, vasiylar, homiylar yoki O‘zbekiston Respublikasining amaldagi qonunchiligiga muvofiq boshqa qonuniy vakillarning roziligisiz ularga kirish uchun haq to‘lamaslik majburiyatini oʻz zimmasiga oladilar. Aks holda, Kelishuvning ushbu bandi shartlari belgilangan yoshga etmagan Foydalanuvchi tomonidan buzilganligi uchun javobgarlik O‘zbekiston Respublikasining amaldagi qonunchiligiga muvofiq ota-onalar, farzandlikka oluvchilar, vasiylar, homiylar yoki boshqa qonuniy vakillar zimmasida bo‘ladi.

7.2.5. Xizmat faoliyatini buzishga qaratilgan har qanday harakatlarni, Xizmatga ruxsatsiz kirishga urinishlarni, shuningdek, Administrator va/yoki uchinchi shaxslarning qonuniy huquqlarini buzadigan boshqa harakatlarni amalga oshirmaslik.

7.2.6. Ushbu Kelishuvning 6.3-bandida ko‘rsatilgan harakatlarni amalga oshirmaslik.

7.2.7. Foydalanuvchi uchun ushbu Kelishuvda belgilangan boshqa majburiyatlarni bajarish.

8. Administratorning huquq va majburiyatlari

8.1. Administrator quyidagi huquqlarga ega:

8.1.1. Zarurat bo‘lganda, bir tomonlama tartibda ushbu Kelishuvni o‘zgartirish va bunday o‘zgarishlar kuchga kirishidan 10 (o‘n) kalendar kun oldin Saytda va/yoki Ilovada eʼlon qilish orqali ushbu haqda Foydalanuvchini xabardor qilish. Foydalanuvchi ushbu Kelishuvga kiritilgan o‘zgartirishlar bilan rozi bo‘lmasa, u Xizmatdan foydalanishni rad etish orqali ushbu Kelishuvni bekor qilishga haqli. Aks holda, Administrator va Foydalanuvchi ularning munosabatlari Kelishuvning yangi tahriri kuchga kirgan kundan boshlab tartibga solinishini tan oladilar.

8.1.2. Telekanal to‘plamlari va/yoki Video kontentining tariflarini, tarkibini, mazmunini bir tomonlama o‘zgartirish.

8.1.3. Istalgan vaqtda, o‘z xohishiga ko‘ra, shu jumladan, lekin ular bilan cheklanmagan holda, agar Foydalanuvchi ushbu Kelishuv shartlarini, O‘zbekiston Respublikasining amaldagi qonunchiligini buzsa, shuningdek, agar Administratorda Foydalanuvchining Xizmatning ishlashini buzishga qaratilgan va/yoki Administrator va/yoki Huquq egalarining huquqlari, qonuniy manfaatlari buzilishiga, ularning ishbilarmonlik obro‘siga putur yetkazishi mumkin bo‘lgan harakatlarini adolatsiz deb hisoblash uchun asoslar mavjud bo‘lsa Foydalanuvchining Xizmatga kirishini to‘xtatib turish, cheklash yoki to‘xtatish huquqiga ega.

8.1.4. Zarurat bo‘lganda, Foydalanuvchi tomonidan Xizmatdan foydalanishning texnik imkoniyatini taminlash uchun profilaktika va taʼmirlash ishlarini olib borish.

8.2. Administrator quyidagi majburiyatlarni oʻz zimmasiga oladi:

8.2.1. Ushbu Kelishuv shartlariga muvofiq oʻzining texnik imkoniyatlari doirasida Xizmatning ishlashini taʼminlash.

8.2.2. Xizmat ishlashi bilan bog‘liq boʻlgan tashkiliy qarorlarni qabul qilish.

8.2.3. Administrator uchun ushbu Kelishuvda belgilangan boshqa majburiyatlarni bajarish.

9. Intellektual huquqlar

9.1. Xizmatni taqdim etishda foydalaniladigan intellektual faoliyat natijalari va individuallashtirish vositalari ular boʻyicha Huquq egalarining intellektual mulki hisoblanadi va O‘zbekiston Respublikasining xalqaro shartnomalari va O‘zbekiston Respublikasining intellektual mulk sohasidagi qonun hujjatlari bilan himoyalangan.

9.2. Huquq egasining ruxsatisiz intellektual faoliyat natijasi va individuallashtirish vositalaridan foydalanish noqonuniy hisoblanadi va javobgarning joylashgan joyidagi sudda fuqarolik, ma’muriy va jinoiy javobgarlikka tortish uchun asos boʻladi.

9.3. Administrator Foydalanuvchini Platforma, Sayt, Ilovaga nisbatan Administrator Mualliflik Huquqi Egasi ekanligi haqida xabardor qiladi. “TelecomTV” savdo belgisining huquq egasi Hamkor hisoblanadi.

9.4. Ushbu Kelishuvga muvofiq, Xizmat doirasida Foydalanuvchiga faqat shaxsiy (xususiy) notijoriy maqsadlarda koʻrish maqsadida, har qanday qismida va har qanday moddiy shaklda nusxalash (shu jumladan Foydalanuvchining qurilmalariga nusxalash) huquqisiz, shuningdek, Telekanallar to‘plamidan va/yoki Videokontentdan boshqa har qanday foydalanish huquqisiz, jumladan va bu bilan cheklanmagan holda, tarqatish, ijaraga berish, sotish, ommaviy namoyish qilish, ommaviy ijro etish, efir yoki kabel orqali xabar berish, shu jumladan qayta uzatish (retranslyatsiya qilish) huquqisiz Telekanallar toʻplami va/yoki Videokontentga kirish huquqi taqdim etiladi.

9.5. Foydalanuvchi Xizmatdan (jumladan, Foydalanuvchiga Xizmat doirasida taqdim etiladigan intellektual faoliyatning barcha natijalari va individuallashtirish vositalaridan) faqat ushbu Kelishuvda ko‘rsatilgan huquqlarni amalga oshirish maqsadida foydalanish huquqiga ega.

9.6. Xizmatdan ushbu Kelishuvda aniq ko‘rsatilmagan usulda foydalanish Foydalanuvchiga ruxsat berilmagan deb hisoblanadi. 

9.7. Ushbu Kelishuv shartlarini buzgan holda Xizmatdan foydalanish (shu jumladan, Xizmat doirasida Foydalanuvchiga taqdim etilgan intellektual faoliyatning barcha natijalari va individuallashtirish vositalaridan foydalanish) qatʼiyan man etiladi. Bunday foydalanish noqonuniy hisoblanadi va O‘zbekiston Respublikasining amaldagi qonunchiligiga muvofiq fuqarolik, maʼmuriy va jinoiy javobgarlikka tortish uchun sabab bo‘lishi mumkin.

9.8. Administrator va/yoki Videokontentning Huquq egasi ushbu Kelishuv bo‘yicha Xizmat doirasida Foydalanuvchiga kirish imkoniyati taqdim etilgan Telekanallar to‘plami va/yoki Videokontentdan noto‘g‘ri foydalanishning oldini oluvchi yoki cheklovchi texnik vositalardan foydalanish huquqini o‘zida saqlab qoladi.

10. Tomonlarning javobgarligi

10.1. Ushbu Kelishuvda nazarda tutilgan majburiyatlar bajarilmaganligi yoki lozim darajada bajarilmaganligi uchun Administrator va Foydalanuvchi ushbu Kelishuvda ko‘rsatilganlarni hisobga olgan holda O‘zbekiston Respublikasining amaldagi qonunchiligida belgilangan tartibda javobgar bo‘ladilar.

10.2. Administrator Foydalanuvchining ushbu Kelishuv qoidalarini buzganligi uchun javobgar boʻlmaydi.

10.3. Foydalanuvchi ushbu Kelishuv shartlariga muvofiq Xizmatdan (shu jumladan Foydalanuvchiga Xizmat doirasida taqdim etiladigan intellektual faoliyatning barcha natijalari va individuallashtirish vositalaridan) to‘g‘ri foydalanish uchun to‘liq javobgar ekanligini tushunadi va bunga rozilik bildiradi.

10.4. Administrator Xizmatning ishlashini taʼminlaydi, lekin uning uzluksiz ishlashi uchun javobgar bolmaydi.

10.5. Administrator Telekanallar toʻplamiga va/yoki Videokontentiga kirish imkoniyatini, shuningdek, ularni hech qanday texnik xatoliklar, nosozliklar yoki Foydalanuvchi qurilmasida koʻrishda yuzaga keladigan boshqa muammolarsiz koʻrish imkoniyatini kafolatlamaydi.

10.6. Administrator Foydalanuvchi tomonidan Xizmat uchun foydalaniladigan Internet tarmog‘i orqali maʼlumotlar uzatilishining sifati yoki tezligi, maʼlumotlarni qayta ishlashda yoki uzatishda yuzaga kelishi mumkin boʻlgan kechikishlar, shuningdek, Xizmatdan foydalanganda Foydalanuvchi qurilmasi to‘g‘ri ishlashi uchun javobgar bolmaydi. 

10.7. Administratorning nazorati ostida bo‘lmagan Foydalanuvchining harakatlari, shu jumladan uning Ruxsat etilgan hududdan tashqarida bo‘lishi, Foydalanuvchi qurilmasining tasodifiy buzilishi, yo‘qolishi yoki shikastlanishi, Foydalanuvchi qurilmasidan, veb-saytdan, Ilovadan noto‘g‘ri foydalanilganligi va Foydalanuvchining boshqa harakatlari sababli Administrator o‘z majburiyatlarini bajarmaganligi yoki lozim darajada bajarmaganligi uchun javobgar hisoblanmaydi.

10.8. Foydalanuvchi qurilmasiga yoki uchinchi shaxsning elektron qurilmalariga, Foydalanuvchi tomonidan Xizmatdan foydalanish natijasida yoki u bilan bog‘liq bo‘lgan boshqa jihozlar yoki dasturiy taʼminotga etkazilgan har qanday zarar uchun Administrator javobgar bo‘lmaydi.

10.9. Administrator Telekanallar to‘plami va/yoki Videokontentga kiritilgan telekanallarning axborot mazmuni, shuningdek, telekanallar va/yoki Videokontentning Huquq egalari tomonidan yo‘l qo‘yilgan har qanday qoidabuzarliklar uchun javobgar bo‘lmaydi.

10.10. Yengib bo‘lmas kuchlar holatlari (fors-major holatlari), masalan: yong‘in, zilzila, bo‘ron, chaqmoq urishi, harbiy harakatlar, terrorchilik harakati, ish tashlashlar, elektr energiyasini etkazib berishda buzilishlar, Xizmatni tashkil etishda foydalaniladigan maʼlumotlar tarmoqlari va qurilmalaridagi avariya, davlat organining qarori, majburiyatlarni bajarish imkoniyatini cheklovchi yoki to‘xtatuvchi normativ-huquqiy hujjatning kuchga kirishi, noqonuniy xarakterdagi xatti-harakatlar (masalan, o‘g‘irlik, talon-taroj qilish, Xizmatning ishlashini taʼminlaydigan mulkni qasddan buzish/yo‘q qilish, zararli kompyuter dasturlarini tarqatish), shuningdek, Tomonlarning oqilona nazorati ostida bo‘lmagan boshqa favqulodda va muqarrar holatlar natijasida yuzaga kelgan vaziyatlarda Tomonlar ushbu Kelishuv bo‘yicha o‘z majburiyatlarini qisman yoki to‘liq bajarmaganligi uchun javobgarlikdan ozod qilinadi.

10.11. Foydalanuvchi ushbu Kelishuv shartlarini buzgan holda Xizmatdan (shu jumladan, intellektual faoliyatning barcha natijalari va Foydalanuvchiga kirish huquqi doirasida taqdim etilgan individuallashtirish vositalaridan) foydalanishda Administrator etkazilgan har qanday zararlarni qoplashga rozilik bildiradi.

10.12. Ushbu Kelishuv boʻyicha Administrator yo‘qotilgan foydani qoplash uchun Foydalanuvchi oldida hech qanday majburiyatlarga ega emas va javobgar bo‘lmaydi. Agar ushbu Kelishuv bo‘yicha Administratorning javobgarligi Administrator tomonidan o‘z majburiyatlarini bajarmaganligi yoki lozim darajada bajarmaganligi sababli Foydalanuvchiga etkazilgan zararning o‘rnini qoplash uchun yuzaga kelsa, u holda toʻlangan tarif qiymatiga teng miqdorda cheklanadi. 

11. Qo‘llaniladigan huquq, nizolarni hal qilish

11.1. Ushbu Kelishuv O‘zbekiston Respublikasining amaldagi qonunchiligiga muvofiq Tomonlar o‘rtasidagi munosabatlarni belgilovchi sifatida talqin etiladi va tartibga solinadi.

11.2. Agar ushbu Kelishuvning har qanday qoidasi O‘zbekiston Respublikasining amaldagi qonunchiligiga muvofiq tegishli yurisdiksiyadagi sud tomonidan haqiqiy emas va ijro etilishi mumkin bo‘lmagan deb topilsa, bu hech qanday tarzda uning yuridik kuchini, qonuniyligini va ushbu Kelishuvning qolgan qoidalarini amalga oshirish qobiliyatini zaiflashtira olmaydi.

11.3. Tomonlar ushbu Kelishuvdan yoki u bilan bog‘liq holda yuzaga kelishi mumkin bo‘lgan barcha nizolar va kelishmovchiliklar sudgacha daʼvo tartibida hal qilinishini tasdiqlaydilar.

11.4. Tomonlar ushbu Kelishuv bo‘yicha kelib chiqadigan har qanday nizo, bahs-munozara yoki daʼvolar, shu jumladan ushbu Kelishuvning talqini, mavjudligi, haqiqiyligi yoki bekor qilinishi bilan bog‘liq har qanday savol, shuningdek, ushbu Kelishuvda hal etilmagan masalalar bo‘yicha sudgacha hal qilib bo‘lmaydigan nizolarni hal etish javobgarning joylashgan joyidagi sud tomonidan hal qilinishi kerak.

12. Axborot-maʼlumot xizmati

12.1. Xizmatdan foydalanish bilan bog‘liq barcha savollar, jumladan, axborot-maʼlumot xizmatlari, texnik yordam va har qanday daʼvolar bo‘yicha Foydalanuvchi Hamkorning qo‘llab-quvvatlash xizmatiga, xususan ushbu Kelishuvning 5.12-bandida, shuningdek Saytda va/yoki Ilovada ko‘rsatilgan boshqa usullar bilan murojaat qilishi mumkin. 

12.2. Foydalanuvchining ushbu Kelishuv bo‘yicha Xizmatga oid so‘rovlarini ko‘rib chiqish va ularga javob berish, agar Saytda va/yoki Ilovada boshqacha tartib va shartlar belgilanmagan bo‘lsa, Administrator/Hamkor qabul qilingan foydalanuvchi so‘rovini ro‘yxatdan o‘tkazgan paytdan boshlab 30 kun ichida amalga oshiriladi. 

13. Shaxsiy maʼlumotlarni qayta ishlash siyosati

13.1. Ushbu Kelishuvni tuzish orqali Foydalanuvchi o‘zining shaxsiy maʼlumotlarini Administrator tomonidan qayta ishlanishiga roziligini bildiradi va bunday rozilikni berish orqali Foydalanuvchi o‘z xohishi bilan va o‘z manfaatlarini ko‘zlab harakat qilishini tasdiqlaydi.

13.2. Ushbu Kelishuv bo‘yicha shaxsiy maʼlumotlar deganda Foydalanuvchining quyidagi shaxsiy maʼlumotlari tushunilishi kerak: telefon raqami, elektron pochta manzili, Qayd yozuvi ma’lumotlari, ushbu Kelishuv bo‘yicha huquq va majburiyatlarni amalga oshirish uchun Foydalanuvchi tomonidan Administratorga taqdim etilgan boshqa shaxsiy maʼlumotlar.

13.3. Administrator O‘zbekiston Respublikasining amaldagi qonunchiligi va ushbu Kelishuv qoidalariga muvofiq shaxsiy ma’lumotlarni qayta ishlash bilan bog‘liq har qanday harakatlarni amalga oshirish, sudda o‘z manfaatlarini himoya qilish, Foydalanuvchilarning shaxsiy ma’lumotlarini uchinchi shaxslarga taqdim etish huquqiga ega.

13.4. Shaxsiy maʼlumotlarni qayta ishlash deganda (uchinchi shaxslarga shaxsiy maʼlumotlarni uzatish (tarqatish, taqdim etish, kirish imkoniyatini berish)ni amalga oshirmasdan), shaxsiy maʼlumotlar bilan avtomatlashtirish vositalaridan foydalangan holda yoki foydalanmasdan amalga oshiriladigan har qanday harakat (operatsiya) yoki harakatlar (operatsiyalar) majmui, shu jumladan yig‘ish, yozib olish, tizimlashtirish, to‘plash, saqlash, aniqlashtirish (yangilash, o‘zgartirish), ajratib olish, foydalanish, shaxsizlantirish, bloklash, o‘chirish, yo‘q qilish tushuniladi.

13.5. Administratorga shaxsiy maʼlumotlarini taqdim etish orqali Foydalanuvchi ularning quyidagi maqsadlarda qayta ishlanishiga rozilik bildiradi:

13.5.1. ushbu Kelishuvni bajarish uchun Foydalanuvchining identifikatsiyalash;

13.5.2. Xizmat doirasida axborot xabarlarini yuborish;

13.5.3. Xizmatni qo‘llab-quvvatlash xizmati tomonidan Foydalanuvchilarning so‘rovlarini qayta ishlash;

13.5.4. shaxsizlashtirilgan maʼlumotlar asosida Xizmatdan foydalanish bo‘yicha statistik va boshqa tadqiqotlarni o‘tkazish;

13.5.5. Xizmatni takomillashtirish maqsadida Foydalanuvchining afzalliklarini tahlil qilish va oʻrganish;

13.5.6. Xizmatga texnik xizmat ko‘rsatish;

13.5.7. firibgarlik va Xizmatdan boshqa noqonuniy foydalanishning oldini olish va aniqlash;

13.5.8. Foydalanuvchiga ushbu Kelishuv bo‘yicha Xizmatga kirishni to‘g‘ri taʼminlash uchun zarur bo‘lgan boshqa qonuniy maqsadlar uchun.

13.6. Shaxsiy maʼlumotlarni qayta ishlash va himoya qilish shartlari:

13.6.1. Administrator Foydalanuvchining shaxsiy maʼlumotlaridan faqat ushbu Kelishuvda ko‘rsatilgan maqsadlarda foydalanadi.

13.6.2. Administrator ushbu Kelishuv bo‘yicha Foydalanuvchi tomonidan taqdim etilgan shaxsiy maʼlumotlarning maxfiyligini taʼminlash majburiyatini oʻz zimmasiga oladi. O‘zbekiston Respublikasining amaldagi qonunchiligiga muvofiq vakolatli davlat organining so‘roviga ko‘ra Foydalanuvchining shaxsiy maʼlumotlari Administrator tomonidan oshkor etilishi maxfiylikning buzilishi deb hisoblanmaydi.

13.6.3. Administrator Foydalanuvchining shaxsiy maʼlumotlarini ruxsatsiz yoki tasodifiy kirish, yo‘q qilish, o‘zgartirish, bloklash, nusxalash va tarqatishdan himoya qilish uchun barcha zarur texnik choralarni ko‘rish majburiyatini oʻz zimmasiga oladi.

13.7. Administrator Foydalanuvchining shaxsiy maʼlumotlariga nisbatan quyidagi huquqlariga rioya etilishini kafolatlaydi:

13.7.1. Foydalanuvchining shaxsiy maʼlumotlarini qayta ishlashga oid maʼlumotlarni olish huquqi;

13.7.2. Administrator Foydalanuvchining shaxsiy maʼlumotlariga aniqlik kiritish, agar shaxsiy maʼlumotlar to‘liq bo‘lmagan, eskirgan, noto‘g‘ri, noqonuniy ravishda olingan yoki qayta ishlashning belgilangan maqsadi uchun zarur bo‘lmagan bo‘lsa, ularni bloklash yoki yo‘q qilishni talab qilish, shuningdek, o‘z huquqlarini himoya qilish uchun qonun hujjatlarida nazarda tutilgan choralarni ko‘rish huquqi;

13.7.3. O‘zbekiston Respublikasining amaldagi qonunchiligida belgilangan boshqa huquqlar.

14. Yakuniy qoidalar

14.1. Ushbu Kelishuv va unga eʼlon qilingan har qanday o‘zgartirishlar Foydalanuvchi tomonidan Xizmatdan foydalanishning butun muddati davomida amal qiladi.

14.2. Ushbu Kelishuv va unga kiritilgan, eʼlon qilingan har qanday o‘zgartirishlar Foydalanuvchi tomonidan Xizmatdan foydalanishning butun muddati davomida amal qiladi.

14.3. Tomonlar korrupsiyaga qarshi qonun hujjatlari talablariga rioya qilishlari va ushbu Shartnoma bo‘yicha o‘z huquqlari yoki majburiyatlari bilan bog‘liq holda korrupsiyaga qarshi qonun normalarini buzishi mumkin bo‘lgan harakatlarni amalga oshirmasliklari, shu jumladan (lekin bu bilan cheklanmagan holda) har qanday jismoniy yoki yuridik shaxsga, shu jumladan (lekin ular bilan cheklanmagan holda) tijorat tashkilotlari, davlat amaldorlari, xususiy kompaniyalar va ularning vakillari yoki filiallariga naqd pul yoki boshqa shakldagi/turdagi poralarni taklif qilmasliklari, va’da qilmasliklari va noqonuniy to‘lovlarni amalga oshirishga ruxsat bermasliklari lozim.

14.4. Tomonlardan biri ushbu bo‘limning 14.3-bandida ko‘rsatilgan majburiyatlarni buzgan taqdirda, boshqa Tomon bir tomonlama tartibda suddan tashqari ushbu Kelishuv bo‘yicha majburiyatlarni bajarishni rad etishga haqli. Tomonlar ushbu bandga muvofiq Kelishuv bekor qilingan taqdirda yo‘qotishlar/zararlarni bir-birlariga qoplamaydilar.

15. Administratorning rekvizitlari

15.1. Administratorning rekvizitlari:

• “LS Universe” MCHJ
• Manzil: 100019, Toshkent, M-Ulug‘bek tumani, Mustaqillik shoh ko‘chasi, 88A uy 
• STIR: 310000334
• MFO: 00421
• OKED: 62010

16. Videokontentga kirish

16.1. Onlayn-kinoteatrlar bilan kelishuv:

16.1.1 MEGOGO onlayn kinoteatri Videokontentidan foydalanganda va/yoki bunday Videokontentdan foydalanish uchun Obunani faollashtirganda, Foydalanuvchi onlayn-kinoteatrning tarmoq resursidagi https://megogo.net/ru/rules#agreement-privacy-cookie-policy havolasida joylashtirilgan foydalanish shartnomasiga rozilik bildiradi. Administrator platformasi orqali MEGOGO onlayn-kinoteatridan foydalanish hududi sifatida O‘zbekiston Respublikasi tan olinadi. Foydalanuvchi MEGOGO onlayn-kinoteatridan ushbu Kelishuv shartlari va MEGOGO onlayn kinoteatrining yuqoridagi foydalanish shartnomasiga zid bo‘lmagan usullarda foydalanish majburiyatini oʻz zimmasiga oladi.

16.1.2. “more.tv” xizmatining Videokontentidan foydalanilganda va/yoki bunday Videokontentidan foydalanish uchun Obunani faollashtirganda, Foydalanuvchi https://more.tv/useagreement Internet manzilida joylashtirilgan “more.tv” xizmatidan foydalanish boʻyicha foydalanish shartnomasiga rozilik bildiradi. Administrator platformasi orqali more.tv xizmatidan foydalanish hududi sifatida O‘zbekiston Respublikasi tan olinadi. Foydalanuvchi “more.tv” xizmatidan ushbu Kelishuv shartlari va “more.tv” xizmatining yuqoridagi foydalanish shartnomasiga zid bo‘lmagan usullarda foydalanish majburiyatini oʻz zimmasiga oladi.

16.2. Ushbu Kelishuv boʻyicha MEGOGO, “more.tv” Videokontentiga kirish uchun toʻlov Oʻzbekiston Respublikasi hududida oʻzbek soʻmida va faqat Xizmatda va/yoki Saytda Foydalanuvchi qurilmasi uchun ilovada va/yoki mavjud boʻlgan toʻlov tizimlari orqali amalga oshiriladi. Ushbu Shartnoma boʻyicha xizmatlarni toʻlash uchun foydalaniladigan toʻlov tizimlari istalgan vaqtda Foydalanuvchini ogohlantirmasdan oʻzgartirilishi mumkin.